تــعــبــت

[محمد بن عمار]

ياخوي شاب الراس والعمر تـوه=والجسم ناحل والفكر شايل همـوم
بين الحنايا تنزف جـراح عنـوه=واسهر طوال الليل ياخوك مانـوم
ياريحـة الغالييـن ياخيـر قـدوه=لاني ردي ولاني قليّـل عـزوم
ولاني من اللي للمخاليـق شـوه=ولاني رسول من الزلل قيل معصوم
غلطة زمن ياخوي للخيـل كبـوه=وانا عثرت وتطعن بجثتـي قـوم
لاسقت رجلي للمواجيـب خطـوه=علي ثارت ثورة الفرس والـروم
ترسم ملامح صورتي بعين عزوه=ظالم وانا اللي ياسنا الجود مظلوم
وقلوبهم تـزداد بالوقـت قسـوه=وعجزت الاقي للمضامين مرسوم


السلاااااام عليكم
ابو حمد
صح لسااانك
وجاااد بيااانك
تحيتي ومودتي يا راقي
محمد بن عمار