واحة ضميري

[بدر الحافي]

واحة ضميري
اصف بها مذكرتي الخاصة وقد اسميتها ب واحة ضميري

متواضعة
اتمنى ان تحوز على رضاكم


واحة ضميري عليها من نهر دجلة=ومن السحايب عليها البارق الوجلي
ازرع بها الورد ما ازرع في ارضها فجله=شف زهرها يبتسم في خدها الخجلي
حروف مغرم وكاس العشق يمزج له=على سما الشوق يصدح طيره الزجلي
اليا دعت هاجس الاشعار ياعجله=وانا على اجابته فالحال ياعجلي
اهديتها العمر من ميلاده ليا اجله=قلت اسلمي يا فديت عيونك النجلي
رمش الحيا في عيون النظرة الخجلة=وحيك من المهد لين اللحد ينهج لي
من مخمل اغلا الحرير العقل تنسج له=وانا علشانها الخفاق ينسج لي
كلامها من خوايا الروح ترتجله=من طلسمة سحري الفرعوني ودجلي
ولّيتها العاطفة وشعوري الوجلة=وقالت تفضّل ودوك قلادتي وحجلي
قلت اقبلي والفضا من شانك اعرج له=لو العفاريت في المعراج تدرج لي
برد الشتاء نار مشتاقك تغنّج له=على ضفاف الضمير امست توهج لي
ياخذك نوم العوافي لا طوا سجله=وفلوا مناديب سهر العين لي سجلي
ليلي هلال الشهر فأول شهر حجله=قبل القمر يكتمل وجهه ويبلج لي
تايه زمانه من اول يوم يسرج له=جيوش بوش الابن وانا على رجلي