ياحظ

[الخنساء]

ياحظ جاملني على اقل تقدير = لوكان حدك مايجي حد صفي
ياحظ مامني اقصورن وتقصير = كل مارتفع جاه المطافي يطفي
ياحظ لولك وسط الاسوق تغير = لغيرك ياحظ واشري بشفي
ياحظ لو بالعلم صغت التقارير =باقلام حبري لين حبره يجفي
ياحظ لو هو بالشقى نحفر البير= ولو هي مراجل كان جبتك بكفي
ولوهي على ماقال هرجن وتعبير= لاجيب شعرن فيك واكفي واكفي
ولوهي ترى بالجاه جبت الطوابير= ارجال والله بالمواقف اتكفي
ياحظ مثلك موترن عطل السير = عيا يسير ولا به احدن يدفي
ويالله بدل عسر الايام تيسير = ياعالمن باللي علينا امتخفي
وصلاة ربي عد ماطار من طير = على النبي واعداد رمشن يرفي

امل ان تنال على اعجابكم

اخوكم عبدالرحمن بشير الصباح


صح لسانك اخي الشاعر عبدالرحمن
لاهان راسك قصيدة رائعة
ترجمت الواقع اللي كثير
سلمت وسلم شعرك
دام حرفك