ما طاح راح ولا علينا تحاسيف ( إبن دخيل )

[الطامي]

بسم الله الرحمن الرحيم

السلام عليكم ورحمة الله وبركاته

مصافحه أولى بخمسة أبيات وخمسة أنامل
أرجو أن تــنال على إعـجابكم


ما طاح راح ولا علينا تحاسيف=ولا نلتفت لكبارها والصغاير
ميكارنا فوق الجبال المناويف=وهاماتنا فوق المزون البشاير
والارض وان شفنابها الظلم والحيف=شمنا لدارٍ غير عدل وسفاير
ومن يسكن ركون الكهوف المقاييف=لاهوب لا ساير ولاهوب طاير
والجار وان بيّن غبونه على الضيف=وجه المعزّب ما تجيه الخساير

وســلامــة الجميع
أخوكم إبن دخيل
مع خالص التحيه

ياسلام على هالأبيات اللي تساوي الذهب
صح الاسنك يابن دخيل
رائعة جدا لافض فوك اخي
شكرا لك