ليّن العودِ

[محمد بن عمار]

يامن لقلبٍ توارى صاحبه عنّه=مخنوق من عبرة الفرقاء ومسهودي
سريت مفجوع يوم ازريت من كنّه=في بر خالي لنا مافيه منقودي
جسيت نبض الجروح وهن جزنه=لقيتهن في جدار الخافق اخدودي
في تالي الليل قمت اوالي الونه=على زمانن مضى مع لين العودي
قده من الضبي والغزلان والرنه=وعيون منها المهى مابلل المودي
زهر الخزامى تسامى والنفل منه=بخور جاوي ونفحة عود كمبودي
صوته من الناي مدري الناي من حنه=منطوقه الشهد كنه قايد الخودي
كنت اعشقه والهوى عندي بلا منه=واليوم جمر المشاعر صابه برودي
ودامه هجرني وغير بالهوى ضنه=لابد ما نلتقي واقدم شهودي
ياعاذلي لاتلمني يوم هاضنه = حور العيون وحلايا رهف ال كبودي

السلام عليكم
الاخ الفاضل / فلااااااااااااح
الف مليار صح قلبك وفكرك
تحياتي لشموخك الراقي
لاهان غاليك فديتك
محمد بن عمار