ا لسم جـوّا ا لطعا م

[عبدالعزيز العمار]

السلا م عليكم ..
شور ياللي على باقي حياتك شفيق
................. لاتنزّل مقامك وأنت عالي المقام
خل عنك المشاعر والفؤاد الرقيق
............ لا يغرّك بلحن القول .. وعـذب الكلام
بن عمار يهديكم / هالمشاركة
الــســـم وســط الــطــعـــام

ياجماعة عطوني رآيكم في غريق = طاح في غبة بحور الهوى والغرام

عذّبه مركبه والبحر يصفق صفيق = ساعة ٍ غاب فيها النور وحلّ الظلام

هايج الموجٍ وبصوته فحيح وشهيق = يحسب إني اباارفع رايتي للسلام

قمت أنادي وحلقي جفْ مافيه ريق = ليه ؟ غـدّار باللي . في أمانك ينام

ياجماعة عطوني الرأي علم ٍ وثيق = كان في الناس مثلي واحد ٍ مايلام

الشكاوي على الله كلما حل ّضيق = يفرج الهم والضيقة ويجلى الغمام

من ينزّل مقامه..عـند من .. لا يليق = ينتقص منه قدره عند ناس ٍ غشام

شور ياللي على باقي حياتك شفيق = لا تنزّل مقامك وأنت عالي المقام

عاشر اللي ثبت أصله بجذر ٍ عريق = واللي جذره بسطح الماء فعرفه عدام

خل عنك المشاعر والفؤاد الرقيق = لا يغرّك بلحن القول .. وعـذب الكلام

يبتسم لك بوجه ٍ في بشاشة صديق = وفي عـيونه إلا لدّت حراب وسهام

بك يرحب وهو من شوفتك مستضيق = وده إنه يدس السمّ لك في الطعام

يبرق بوجنته .. سيف الخـيا نة بر يق = و ريحة الغدر تظهر .. لو تلثم ... لثام

ماحد ٍ ايتقيّد ... عقب ما .. هو طليق = و ماحد ٍ غازي ٍ غزوة ... بليا مرام

لازم . إنه مفكّر له ... بفكر ٍ عـميق = و دارس ٍ العواقب ... بالوفاء والتمام


محمد بن عمار

الشاعر الرائع ابن العم محمد بن عمار:

صح لسانك واعتلى شانك ...

دائماً تأتي بالجميل والمميز لاعدمناك...

نص راقي عانق السحاب بروعته وشموخه ...

دام نبض قلبك ولاهان راسك ...

تقبل اجمل تحياتي ...