انته قمرهااااا

[نجم الإبداع]

انا اشهد ان المرجله والجميله=حظ النفوس الي تبسم قدرها
قسمه من المولى وخصله جميله=ماهيب سلعه كل من جاء قفرها
لو حاول العشاق ماجت بحيله = يابخت من جاته ومابهى صورها
منها الرسول الهاشمي زاد كيله =ومكارم الاخلاق تمم دررها
وصى بها لاهل الوفاء واهل جيله=من سنة الاسلام فايح عطّرها
ومنها انشهر حاتم وهامت كليله = فوق الديار اليوم ناظر خبرها
عند العرب حلّت وعاشت جليله=يسعى لها اهل الباديه مع حضرها
تفخر براعي الجود كل القبيله = بين النجوم الساريه هو قمرها
واليوم صار البخل حاله محيله =حل النفوس الشح وابدت خورها
ويلاه ياعصر النفوس البخيله = الي تباهي بالرياء في جررها
الي يجود ويرتجي في الحصيله=من جودته حتى المسابح نثرها
يشحد من العالم ومهدود حيله =يبغى الدراهم والمبادي خسرها
ياعابد الدولار حاتم وخيله = بالليل من جوده لضيفه نحرها
وانته تدور للكرم شي بديله =تلهث ورى الدنياء وغيرك باثرها
الجود طيب النفس لو من قليله=مايرتجي الرجال حاجه نذرها
والجود مايندم لبذله عميله =حظ النفوس الي تبسم قدرها