ملمس الديباج والمخملي

[حرف وشعر]

السلام عليكم ..
جديدنا هذا اليوم
عسى ان يصل
الى مستوى الذائقة .

ملمس الديباج والمخملي


هليّ المطر يا سحايب هاجسي المبرقه = من مزنة الفكر نو ٍ بارقه مشعلي
يسيل وادي القريحة والشعر يسبقه = يحيي منابت قصيد ٍ روضها ممحلي
معذور راعي الهوى من صاحب ٍعلقه = أقفا ولا عاد جاء ينشد ولا يسألي
من قد تعلـقّ فؤاده في الشقا وأعتقه = إذا ابتلى في محبة جادل الهلهلي
ما صابني غيررمح الشوف والبحلقة = مركوز بالصدرجوفي منه يغلي غلي
لأبو ثليل ٍ على الأمتان يوم أطلقه = سا فين سابح على الأرداف و امجدلي
شق الثغر فتحته ، ماتدخل الملعقه = وبين الشفايف بريق اللولو المذهلي
والخد في صفحته معالم ٍ مشرقه = وامطوّق الجيد بأنواع الذهب والحلي
العين مدعوجة ٍ بالكحل ، وامغرّقه = من يوم شفته وحالي منه متبهذلي
قمت آتوجد وكف ٍ فوق كف أصفقه = ساعة رماني بسهم الناظر الأكحلي
وشوفة بريم ٍ زمابه ، مثل راس فشقه = في روضة الصدر لا هايف ولا ممتلي
قال أنت قلبك خضر ، لابد ما نحرقه = مادام درب الهوى والعشق به يجهلي
ردّيت عجل ٍ وقلت القلب فيه اشفقه = لاشك من شو فتك ، الفكر ، متبلبلي
إلاّ أنت يا روح روحي ، ليش هالنعفقه = ما تترك الجم ّ للعطشان به ينهلي
صافحني ، بكفه اللي له بياض ورقه = في باطنه ملمس الديباج والمخملي
فيه النعومة ، حرير ٍ داخل الشرنقة = مع الخجل صار بالألوان ، يتشكلي
من طب ، في بحر عينه لو ركب زورقه = يغرق ولو كان سبّاح ٍ ويتمشكلي
يالا يمي في وليف الروح ، منتب ثقه = ليتك تخليك ، في حالك وتتجملي
بعض العرب يتعبك بأموره المزهقة = والبعض يسمع سلامك له ، ويتجاهلي
ياعنك راعي الحسد يبان من منطقه = مهما تشدّق بلحن القول و اتمهزلي
وش مكسب اللي سعى للناس بالتفرقة = ما خاف من واحد ٍ فوق الملأ معتلي
يالله عسى من سعى دمّه خليط عرقه = يبلاه والي السماء ويطيح متحرولي
لو تاصل ايديه قلبي في حشاي سرقه = الحقد ، والكره شيء ٍ فيه متأصلي
راعي الهوى لا طرى له هاجس ٍ صدّقه = يون وصدره من الزفرات متخلخلي
يسهر وهو سارح ٍفكره مع اللي اعشقه = نومه على الكوع من ضيقه ويتململي
شباب والشيب خضّب في الصبا مفرقه = وهموم قلبه بجوفه نارها تصطلي
يا حظ منهو فؤاده في الهوى ما ا قلقه = ينام ليله وقلبه ، في المحبة خلي
مهوب مثلي لهيب الشوق به مرهقه = في حب راعي العيون اللي معه مبتلي
كم مرة ٍ قلت أبا أفرى الجيب وأشققه = وأطوّح الصوت و أنخا عزوتي مع هلي
وأصك باب الهوى عن كل من يطرقه = وانعم بنومي وهمي عقبهم ينجلي

مودتي لإصغاءكم .
محمد بن عمار
22 / 8 / 1431 هـ

الله الله يابن عمار استاذ ومدرسه شعريه

مستقله بذاتها يشرفني معانقة هذا الابداع

لافض لك فاه ايها الانيق

تقبل تقديري واعجبابي