** الا يــاشين لا فــارقك غــاآلــي ،،

[عمر ال شيبي]

الا ياشين لا فارقك غالي = يصيبك مثل نوبات الهبالي
وداعه صعب يا مصعب وداعه = يزيد القلب لوعات و وبالي
غزير الدمع من عينك تهله = و نار الشوق في اقوى اشتعالي
تعيش العمر واحزانك قريبه = تخاويها على مر الليالي
قسى الايام تقضيها و تصبر = على وقتٍ لحالك ما يبالي
انا عايشت لحظاتٍ صعيبه = على المحبوب من شيٍ جرالي
تركني يوم انا روحي توده = عليه اشغلت انا حالي و بالي
سكن في وسط قلبي واستحله = بنى له قصر فى الخفاق عالي
تلوح احلامنا بيني و بينه = نصورها و تبقى فـ الخيالي
قضينا العمر في درب الموده = على وضح النقا ما به ميالي
و دار الوقت في يوم و ليله = مسار الوقت ما فيه اعتدالي
جبرني و انجبر قلبي غصيبه = على فرقا حبيبٍ لي مثالي
انا من عقب خلي صرت ضايع = ولا ادري عن يميني من شمالي
حزين و قاسي الوقت اشتكيته = على منهو عليه الاتكالي

قلت لك بعود والعود احمدو

وستلم عقب ما لمست قلبي واحساسه والعذر منك والسموحه ما قدرت اقاوم الرد عليك

تقول الصدق

نعم يا داعي الشوق بغوالي = كلامك هيضن فكري ارتجالي
تقول الصدج من فارق حليّه = يعيش بذل مقهور الوصالي
على ذكراه صوره مستديمه = ورحب الشوق من همه استوالي
عناق الطيف بالهمس وسريقه = مِردّ الرْوح لحظات الخِبالي
الا يا ليت عمري ما لقيته = بنار الفحم لاْسود من حِمالي
فقلبن ما عرف غير المشقه = عقب ما كان منثور الجدالي
لفوف اليد دخان ٍ وغادي = مع الايام حالك من يُبالي ؟
لاْ سرت بليل قمره من تُهادي ؟ = ودادك ود موداد الموالي
ضيا روحك بنور العين علّم = بنا الاشعار فحساس الجمالي
وقول الصبر يا داعي وداعي = عسى المكتوب فجبينك زِوالي
يِجيك الخير من حولك ودوّر = تَراهاْ بزينة الدنيا الخَوالي
لاََْ جيت الصيد بربوع الربيعي= تِذوّق كيفها وسلى السِّوالي
مَحَدن يشرك الاحزان بيته = مدام الخفق شريان ٍ وسالي