قلبي مثل سلك الحرير

[داعي الشوق]

السلام عليكم ...
الختام .. حتى نهاية الشهر الكريم
إلا إذا جد ّ جديد فالله أعلم ، معكم
جديد القلوب اللي من حرير ...!

قلبي مثل سلك الحرير



ياحياة الروح حبك بالضمير = مستكن ٍ بالحشا ، مثل الوشام
ما قويت أنسى ودادك وأستخير = وما قويت أنسى المحبة والغرام
لا طرت ذكراك يا نور النظير = ضاق صدري وزاد همّي والهيام
وهلّ غال الدمع من عيني غزير = وقمت أجاوب بالبكاء طيرالحمام
يا ملاك الحسن هذا ما يصير = خف من المعبود يا بدر التمام
لا تعذبّني ترى حالي خطير = في الهوى والحب تعذيبي حرام
قلبي المغرم مثل سلك الحرير = يقطعه أدنى سبب لو هو كلام
يا هنايه وأنت في أمري خشير = طال صبري و انتظاري للمرام
كان قلبك من غرامي مستذير = فالمواصل ارتجي له كل عام
ليت من هو له جناحين ٍ يطير = لا فقد زو لك ، تعلاّ ثم حام
مدرج ٍ الحوم لو وقت ٍ قصير = لأجل يملأ العين يا ظبي العدام
بساعة ٍ من عقب ها لشوق المرير = تبري العلة وتشفي للسقام
يستريح البال من حال ٍ عسير = و تهتني عيني ويهناني المنام
وتنطفي نار ٍ شررها مستطير = وتوضي الشمعات من بعد الظلام

مودتي لذوائقكم الشامخة .

محمد بن عمار

24/8/1431 هـ









الله الله يا بن عمار

ما شاء الله عليك و على هذا الجمال

ابداع رائع و تصوير جميل

كـ حضورك دائما

صح لساااانك مدد

مع تقديري لك و لحضورك

ولاهنت

**************