امي يارمضان !؟.

[عبدالكريم العياش]

اعلن الديوان عن يوم رمضان = وصاب نفسي غصة (ن) مع حشرجه

فجأه اجتاحتني احزان(ن) سمان = وآعسى الله ضيق قلبي يفرجه

جابت الذكرى وجه ام الحنان = بيتنا ايامها له بهرجه

والله ان بفقدها مات الحصان = دام مشيه بانكسار (ن) وعرجه

يمه اعطيني لايامي امان = قلبي من الحزن ازريت اخرجه

ومادريتي عن اسامه وين كان = هو واخته بارض غربه محرجه

تذكري يمه هذاك العنفوان = الزمن باقدام جوره دحرجه

استبد بحالتي بعدك هوان = تنحدربي كل اسبوع درجه

ولو حياتي مابها ام الحسان = من زمان الموت اخذني مدرجه

وش جنيت من الخطايا يازمان = ياالاهي هم قلبي افرجه