(( ..جنّي ., وجنّيه ))

[فهد الغنام]

...


للتواصل معكم ...




أرجوك لا تقسى على قلبي أرجوك =هذا القدر روحي وروحك شبكها
لحظة سمعتك قلت مبروك مبروك =كنك على نفسي تعجل دركها
صورْتًك ما حطّيتها داخل البوك = بالقلب حافظها وعيني فلكها
وإن جاك يوم وحدب الأضلاع عافوك = إعرف ترا روحي قبضها ملكها
أموت في قصة شعرها مع اللوك = والشامه اللي فوق حفت حنكها
والعين فيها شيّ ما هوب محبوك = الرمش راهي والسواد أمتلكها
لا شفتها جتني غرابيل ودكوك = وأرتاح لا ظم الكفوف ومسكها
لا بوك ياهمٍ على القلب لا بوك=والدمعه اللي من فراقي سفكها
أخطت خطا تنهار قدّامه أملوك = وداس القدم جمرة خطاه وفركها
مدّ اليمين وقال لي يا فهد دوك= هاذي نواوير الحياة وحسكها
وأهديت له عقدٍ من الشوق مسبوك = وأهداء علي درة بحره وسمكها
يا اللي على أقسى شيّ بالحب سموك =غروٍ مهاديب المحاني دهكها
إن كان به حبٍ مع الجن مملوك = أطلق (جنون ) الحب قلبي ملكها
وإن كان قلتي حب جنّي وصعلوك = قلت أبتلشت وعند ربي فككها
لا ترحلين وذنب الأحباب مشروك= بي ظلمةٍ والبعد زوّد حلكها
دمي من ظروف المقادير مسفوك = والنفس طير وكفّ يدّك شبكها



...ودي للجميع ..




فهد





...