(( الحســــــود ))

[عبدالعزيز البليهد]

http://www.55a.net/firas/ar_photo/1184442169800px-eye_iris.jpg



مامثل تطنيش الحسود= ياعل ربي يقلعه
ياعل جنسه مايسود= من دونه الدنيا سعه
مهما عطيته مايزود = الا مع احقاده ضعه
لوعاش لا يمكن يقود = الا الفتن والضعضعه
يسده ترابن ودود = يمكن تكفي مطمعه
لويغتني مامنه فود = والنصح عنده مضيعه
مهما عدلته مايعود= ماعنده الا الجعجعه
بيضن سوالفهم وسود= خوافقن مترعرعه
يموت لاشافك سنود= وده يحطك بالقعه
يرتاح لاعم الجحود = ويحب لبس الاقنعه
يظن هالدنيا خلود= لوحاشها ماتقنعه
ياراح ليته مايعود= لاعاد يوم يجمعه
نعوذ بالله ياحسود = من كل شرن ترمعه
ياصارت الدنيا سعود = يشتاط فكر الامعه
وعند المصايب له وفود= يخوض وسط المعمعه
كنه مع بليسن جنود =الشر منهم منبعه
شح المطر موت الورود= هم سبته هم مرجعه
ياعل عينك ياحقود٠٠ يصيبها مايفجعه
وطوبا لنفسن ماتجود= الا بخير ومنفعه
عساه دايم بالوجود= الله يحيي منقعه