الموت حولك من وراك وامامك

[حرف وشعر]

تدري وش اللي ما يثير اهتمامك= انك تفكر لحظةٍ في نهايتك
لا زلت غافل ف الحياة بمرامك = كنك مخلد تشغلك دوم غايتك
الموت حولك من وراك وامامك= نبضات تاقف وانت داله بدنيتك
تركض وراها مغرمٍ في هيامك= متجاهل انك راحل حين حزتك
وين الحبايب من خوال وعمامك= ويمكن شقيقٍ او شقيقه وعمتك
فرصتك تصحى دام انت بمنامك= تراجع حسابك عن يقينٍ بنيتك
لا يجرفك تيّار يمسك زمامك= وينسيك دينك او تساهل بسيّتك
مادام مسلم ليش تكسب آثامك= وتطاوع اللي كل همه غوايتك
تبي تحضر لو مشيت بعتامك= يمكن تحضر دون تفقد هويتك
من دون دين فعاثراتٍ سهامك = ومن دون علم فخاسرٍ رغم فطنتك
بالدين ويا العلم يعلى سنامك= بين الخلايق رافعٍ دوم رآيتك
لدنياك تعمل كود ترفع مقامك = وللآخره تعمل تدور لجنتك
عدو دينك تقهره في صيامك= وحتى صلاتك تلسعه مثل كيتك
ياسلامي عليك يالمبدع

هذا هو الشعر الذي يبقي

في الصحايف الصالحه

والذي قد ينفع الله به غافلا

فتكون له العقبي الحسنه

بأذن الله

بارك الله فيك يالطااير ونفع بك

امين