انا مابي من الدنيا بغيّه(بالصوت)

[ابراهيم عبدالحميد]

ما بي من الدنيا بغيه = سوى المحبوب لو يرضى عليه
عطيته كل قلبي له هديه = عطاني الحزن ودموع الحيارى
حبيبي لو ترفق بي شويه = ترى الاحوال من بعدك رديه
جسم ناحل تحراه المنيه = اداري الحال لكن ما تدارى
.
تعال اسمع جروحي لو تكلّم= تقول القلب من بعدك تيتم
لعلك يوم يالغالي تندّم = تعرف الحزن بعيون السهارى
ترى لولاك هذا الكون اظلم= على قلبٍ بهالدنيا تحطم
سبب فرقاك يالقاسي تعلّم= يجرّ الصوت من غير اختيارا
.
ينادي ما يلاقي من يجيبه = ويصرخ وين رحتي يالحبيبه؟
تركتي الروح في حالٍ كئيبه = دموع العين في خدي تبارى
طفل تايه بعينينٍ نحيبه= مشى الخطوات بجروحٍ عطيبه
وثاري الوقت وظروفٍ عصيبه = تجرّه في متاهات الصحارى
.
تركتيني وانا في يوم غالي = نسيتي ما مضى حتى خيالي
وخيالك ما يفارقني قبالي = ابسلى لكن بغير اقتدارا
تغيّرتي ولا تدرين حالي = وانا مغليك ياحبي المثالي
تجازيني وانا اللي ما طرى لي= بهذا الكون غيرك من عذارا
.
كلام العقل روحي بالسلامه = مادامك ما تحسّين الملامه
انا بحمل جروحي في ختامه= ولو دمعي تزايد انحدارا
غلطت وغلطة الشاطر ندامه= اذا منّه تورط في غرامه
مع اللي ما درى عنه وهيامه = يعيش العمر تايه في المسار


*. *. *. *. *. *. *. *. *. *.

كلمـات راقيـه رائعــه تنسـاب بيـن سطــــور
المهـاجر و تهـيـم بيـن السحــاب لتحــوم فى
رحابها فيأتى الظلام لاهثا لتضيئه حروفهـا
و تتلألأ فى فضاءه و تدور مضيئـة كالنجـوم
فيأخذ القمر مكانه بينها مكتملا سعيدا بها
لتزداد روعتها و يستمر تألقها حتى نسمات
الصباح الأولى فإذ هى بقطرات ندى فضيـه
تتسـاقـط برقتهـا و عذوبتهـا فـوق الـزهـور
فتنتعش وأوراقـها بنداهـا فيفـوح عطرهـــا
و يشـدوا الكـون بشذاهـا و ننتشى برذاذهـا

*. *. *. *. *. *. *. *. *. *.
سلمت يداك إستاذنا الفاضل


و دمت لنا