يا رقيق المشاعر..عطالله فرحان

[الفنان فهد]

السلام عليكم ورحمة الله وكل عام وانتم بخير وبصحه وسلام ..

تلبيه لطلب صعبة المنال في غناء قصيدة الشاعر القدير عطالله
فرحان التي كانت من الحان وغناء الفنان طلال السلامه اطرحها
بين ايديكم واجعلوها عيديتي لكم جميعا والشكر موصول لاختنا
صعبة المنال ..... فهد

http://up.fatahilah.com/up//uploads/04d52d0022.mp3مقام بيات


يارقيق المشاعر ويـن راح الحنـان
ليه ماشلت قلب طـاح قـدام عينـك

الزمن هو زمانـك والمكـان المكـان
واخر الشعر كلمه تسألك عنك وينـك

من تقهويت صوتك سولف الزعفران
عاد وشلون فنجالـن تمـده يمينـك

تذكر شلون كنا والغـلا كيـف كـان
يوم لاغبت عنك مااسمـع الا ونينـك

اشعر بخوف مدري كنت احس بامـان
يكفي ان جيت يمك طار فيني حنينـك

وشكثر كنت وافي واقرب الناس خان
بس اثق فيك حتى لو عيوني تدينـك

راحت اسنين من عمري وعمرك ثمان
يوم شحت سنيني عوضتنـي سنينـك

زان عمري بقربك يعني الوقـت زان
حتى جرد القصايد ربعت فـي يدينـك

طول عمري وانا لاوي اذراع الهوان
شفت يومك بعيني منهو يقدر يهينـك

مذكر اني نسيتك واذكرك من زمـان
واذكر اني ضحيه بين قلبـي وبينـك

تدري وش جابني لك لاتقول الحنـان
جيت بشيل قلبن طـاح قـدام عينـك