رسالتك وصلت فلا ترسليها (بالصوت)

[شيهانه]

رسالتك وصلـت فـلا ترسليهـا=
ادري بكلّ اللي نويتـي تقوليـه
لا تتعبـي نفسـك ولا تشغليهـا=
قلبي دليلـي فاهـمٍ مـا بغيتيـه
ما دام روحي معْك لـو تسأليهـا=
تعطيك سرٍّ في المحبـه ذهلتيـه
الـروح لا حبّـت فـلا تجهليهـا=
تذوب فـي حـبٍّ تعـزّه وتغليـه
ولوه ابتعد عـن ديـرةٍ تنزليهـا=
حسّه يصل لك سامعٍ من يناديـه
تدرين نار الحب لـو يصطليهـا=
وتدرين ما يخفي ولو ما سألتيـه
وأنا عرفت بنيتّـك فـا امهليهـا=
ياعلّ يطلع فجـر نفـرح بتاليـه
دام الزمـن باحلامنـا مبتليـهـا=
وصارت سرابٍ مبعدات هقاويـه
لا تيئسـي والنفـس لا تعذليهـا=
فالحب سقم الروح ان ما فهمتيـه
قولي احبـك شامخـه واعتليهـا=
وقولي لضيم الوقت خابت مساعيه
بسمة أمل تشـرق فـلا تقتليهـا=
وندفع ثمنها عمرنا اللي بديتيـه
وان ما قدرتـي دربنـا تكمليهـا=
وحكم الزمن يفرض علينا تجافيه
فقولـي بامـان الله لا تزمليهـا=
تكفيني الذكرى فغيرك فـلا ابيـه
روحي امانـه معـك لا تهمليهـا=
حتى نلاقى من نخافـه ونرجيـه


صح لسانك شاعرنا الجزل ابو عبدالله
قصيده تحمل الحروف والكلام الرقيق بين جنباتها

سجل فائق اعجابي بمدونتك وسلم بنانك وعلا بين الكل شانك