-(آخر حروفي بالمحبة قصيدة)-

[جلال ابراهيم الصبيح]

آخر حروفي بالمحبه قصيدة = فيها من انواع العتاب و كثيره
حروف من قلب المعنى وليده = تبقى بداخل صدر خله أسيره
ذقت العنى منّك وماهي جديده = خابرك تضلمني ولا فيك خيره
اشبعتني ضيم و هوان ومكيدة = واشربتني ظلمك وغيره وغيره
تجرح شعوري وانت هذا التريده = واصبر واقول اليوم يعقل مسيره
لكن خلاص الحب بقطع وريده = وامضي أنا بدربي ودربي خطيره
ماريد شوق و لا غرامك أريده = هذا قراري دون شكٍ وحيره
بعد العنى برحل وهذي أكيده = وانسى هواك و كل لحظة مريرة
أعطيتك الشور و طباعك بليده = ومشين من اللي ما يطاوع مشيره
واخر حروفي بالمحبة قصيدة = يا بايع الأشواق مافيك خيره