الرجل لا شيّب وزوج عياله

[الطائر المهاجر]

الرجل لا شيّب وزوج عياله= كلٍ دله مع حرمته ما درى فيه
والطيّب اللي ما وصل له خماله= ولا جاه اذيّه منه بالناس تشنيه
والطيب اللي مكتفي في حلاله= يجيه للتسليم والله محييه
ماهو من اللي يصرف لكل ماله= ولا احتاج جا له كود يعطف ويعطيه
ولا صار ماعنده تلاشى ظلاله= ولا قال وينك فالعذر دوم لاقيه
قرشك عيالك فاحفظه عن زواله= تلقاه لا حدّك مشيبك بتاليه
تطرب لنفسك عايشٍ في دلاله = ولا طحت تلقى من يخدمك وتشريه
ومن قبل ترحل فالوصيه مآله = عط الفطاحل نصف ان كان تغليه
والنصف الآخر لاتفوت مجاله= ترى المهاجر من تكسّب حسانيه
يدعي بظهر الغيب للي عطا له = ويذكره بالخيرات لاجيب طاريه