حلم عسكري

[أحمد عوده الشامي]

الله ياصبري كله راح من شانـك=كثرالنجوم المطله حيل واغليتـك
لولاالطبايع لاسير فـوق جدرانـك=لجل الغلاياحياتي جيت وارضيتـك
واخذك في ديرة من غير عربانـك=اللي بها ياوليف الـروح لبيتـك
واعيش في طيفك واخفف احزانك=وبصافي الود دون الخلق بديتـك
بعالم الحب ياللي كاحـل اعيانـك=مديت يد الوفـا ومنـه اعطيتـك
ساعة غرام المولع صار نسيانـك=وحبل الموده قضى يومي تناسيتك
ياراكب الخيل حرص تمسك اعنانك=اللي يقود الاصيله درب منجيتـك
واثريه حلم سبات يمـر بذهانـك=مصوره من خيال الفكر وغنيتـك
ياحلم ياحلـم فينـي زاد طغيانـك=ولحضة الروع لاشفتك ولاجيتـك
قال العريف المناوب طال عصيانك=يكفيك شر البلا وش خالطن زيتك