البارحه ضاقت علي الوسيعــه

[عبير الورد]

البارحه ضاقت علي الوسيعــه=ضاقت علي الارض من بعدكم فــي
كني وحيد(ن) عايش(ن) في قطيعــه=ماعاد تسوى دارنا بعدكم شــي
صارت بعدك الارض صارت شنيعــه=الارض بعدك مظلمه مالها ضــي
أدهر بعدك الدار واقفا ربيعــه=متى تعود أتربع الدار والحــي
متى نشوف البرق يلمع لميعــه=يسقي ديار(ن) مضميه مابها مــي
مشتاق لك والشوق ولع وليعــه=مشتاق لك شوق(ن) كواني ترا كــي
فالقلب باني لك منازل رفيعــه=أنت الاخو ماجابت امي لي أوخــي
في وقتنا اللي غصب عنا نطيعــه=انته حزامي لا تضايقت من شــي
وأنا حزامك كل شي(ن) لابيعــه=بالخير ولاالشر مادمت انا حــي
تم الكلام اللي من الراس أذيعــه=من هاجس(ن) محبوك يمك سرا بــي




اخــــوكــــم / عـبـدالـلـه الــحـــربـــــي ..





الله الله

صح لساااااااانك ملايين
سلمت وسلم منطوقك الجزل
ربي يعطيك العافية