اذهلتني بنت

[عمر ال شيبي]

اذهلتني بنت بعلوم الرّجال = يوم جيتَنْ ظيف طايف لي وعيد
قبل ابوها ياصل بروس الحلال = للمراح اللي عسى ربي يزيد
قالت انطح فالك اليوم اكتمال = وشرب من الكيف ما تهوى اكيد
قلت يا بنت الملاك اليا سؤال = قالة ٍ بالراس تلعب بالوريد
الرحا بتْدور ابليّا وصال = بطنها لِبْطين محكوم الحديد
يوم طيش القمح يخلط بالرمال= لين نفسي طاوعت قلب الرغيد
قالت احكمها بفطنه لك مجال = تنظر بعينك مداسه ولك تعيد
ما لها مرباط لوتادن طوال = لو فهمت القصد بسم السن جيد
قلت انا مسبوق حظي من الزوال = ورعيْ اشبال ٍفريده من فريد
قالت الخير بوجودك مكفي حال = للبدوا عنوان مرسول البريد
يوم تلفي الخيل بحمول الجمال = تسمع الزغروت طلقات المديد
قلت عينيْ الخير مطلوبك منال = دامت امواليف قلبن لك حميد
الوعد شهرين مقدوم اكتحال = قمرنا والليل ونجوم العتيد
يا هلي فجرن جديد اليا رحال = شدّوا بالمكتوم ما نبغى حسيد
للمهر ثلث وثلاثه وصيدِ مال = صوب بنت ارْجال والعزم الشديد
من بني يعرب و كيف الوجد غال = ما نبدل حيلنا الهم وجيد
بالفعل مو قولة ٍ ابها زوال= دامنا بخيولنا شب السعيد
لكن الاقدار مدفونه بليال = ما نريده ويفعل الله ما يريد
يوم جينا الوعد والكشره بعيال = بيتها محزون والاسود رفيد
ضاق صدري والعنا ما هو بنوال = لين حظ العود ملعون وجريد
ماتت المطعومهْ من سم افْتِعال = الحسد والغيل واشباه الحريد