علامك يازمن قاسي ...!

[محمد بن عمار]

علامك يازمن قاسي عليّ بقسمة التوزيع=تقربني من العذال وتقصي القلب عن خله
يوادعني ولا لي حيلة(ن) غير انطق التوديع=فمان الله واستدرك خطاي إن كان به زله
عسى يشفع إلا مني تركت اللوم والتقريع=أنا بالله ويش اللي جنيته لاجل ذا . كله
انا ماكنت اصدق من وشي في صاحبي واطيع=ولانيب استمع لاهل القلوب اللي بها عله
انا شاعر مشاعر مايكفيني سوى التبديع =كلام(ن) وازنه بالعقل والمنطق دليل(ن) له
إلى مني بغيت القاف جبته عسفن او تطويع=أصور وافي المنظوم والمعنى على حله
أصيغ الشعر موزون(ن) بلا تفعيلة او تقطيع=موازينه براسي كاملات(ن) مابها خله
ورثته عن علوم رجال لاحفظن ولا تسميع = وترى الماء من جبل لا شك ماكلن بيفطن له

الله الله


صح لسانك ايها الجزل أبدعت وامتعت احرف وافيــه وحضور متألق كعادتك اخي محمد
تسلم يمناك على ماخطت طامعين دائماً بجديدك
تقبـّـل تحيتي



السمح / صح نبضك وقلبك ولا هان غاليك على تواصلك المميز
وحضورك الشامخ فديتك
تحياتي لشخصك الكريم