طير شلوي ... للتواصل

[حرف وشعر]

قالوا تسلا قلت وين السلاوي= سلواي ماهو عند نجوي وسلوي
سلواي انا في مقفرات الخلاوي=مع قرم اسنافي كما طيرشلوي
يغنيك شوفه عن كثير المناوي=ذاك الشجاع اللي به العزم يقوي
شجاع مايخشي بعيد الهقاوي=سمته كما سمت الاسد لاتجلوي
ماهو بثرثارن كثير الدعاوي= مال الدعاوي بالرجاجيل دعوي
اسمر انا وياه والذيب عاوي=علي جال حيد لو تقرب تقهوي
صرنا ثلاثه من اوحوش الفلاوي= والكل منا في خوافيه نجوي
والصاحب اللي مايفك الجلاوي= ماله سنع عند الرجاجيل يسوي
والصاحب اللي لك علي الخير ناوي= خله علي يمناك لاجتك بلوي
والجرح مايبرا بغير التداوي= من بعد رب فوق المخاليق اقوي