البارحه يااصوت يعجبني الصوت ..

[حرف وشعر]

البارحه ياصوت يعجبني الصوت=واليوم انا مابيـن دفـة اكتاابـي
اخاف انا ياصوت يدركني الموت=وياطول في حشري عليه احتسابي
وشوف وقتي مدركا كل طاغوت=جاه الذي يلوي جميـع الرقابـي
ثم راح في قطن وشاش وتابـوت=بيت البلاء مسكن كريم الجنابـي
تأملت في كسري وهرمز وجالوت=وملك العجم لي كان فوق الترابي
كلن علي درب المنيات مبتـوت=اصغارهم واكبارهـم والشبابـي
وسألت نفسي وانا اليوم مشتـوت=ومن واقع الايام شـف الجوابـي
ياقلب لاتتبع خطي كل سربوت=يرميك بشواره علي كـل غابـي
وين الذي يالربع قد عمر ابيوت =روح وخلا منزله للخرابي
من يامن الدنيا تخليه مبهوت= ويروح منها عاريا ( م ) الثيابي
لاشك والله صاحب الدين مبخوت= يارب تهدينا طريق الصوابي
ياحافظا ذا النون في باطن الحوت= تحفظ أعبادك ياعظيم الجنابي