ريحة الورد

[ماجد الراشد الهيري]

ريحة الورد

مني سلامي احمله لجل عينك=ومني غرام الود ياريحة الورد


هذي يميني صافحتها يمنيك=أشواق حبن بيننا فيه نسعد


دمعن جرى يكفيه أنه عوينك=أخّبرك وشلون جاوبني الوجد


كاني أشوفه عايشه في سنينك=أوصل بها تسعين قاف(ن) بلاسرد


ياللي عطيتي الحب راحة يدينك=وياللي خذيتي الروح مني بلا جهد


أسلبتني فكرن غدى هو رهينك=ثارت شجونه في خوافيه تشتد


مد الهوى أرجوك بيني وبينك=لاتقطعه بالياس ياريحة الند


يأم العيون السود وجنة جبينك=كل الخجل مرسوم في حمرة الخد


عطني نظيرك بالحلا من بزينك=ترضي بها كل الليالي عن البعد


ياملهمة روحي وحياتي بلينك=ياغاليه وشلون أكتب لك المجد


شوفي غرامي اليوم أصبح سجينك=نفسي على ماقيل مابيحت سد


أنثر كلامي في رجاوي تعينك=ماتنهي الاشواق عندي بلا وعد


هذا سرابك في عيوني يبينك=قطر الندى ينزل كما طيب الشهد


ودي أضمك وأنتهي في حنينك=خذني انا أنسان ميت من البرد


هذي وصاتي أعتبرها تدينك=مدري جزرت اليوم والا أنا أمد

شعر|ماجد الرشد الهيري