انا كلما اسلى ..عهد الحب

[الطائر المهاجر]

القاء
http://up.ftahilah.com/up/uploads/Mine/kilmaUSla.rm




انا كل ما اسلى حرّك الناس لاوجاعي = وتبـدا جراح القلب تنزف من اوجاعه
يقـولون ما للحبّ في هالعمر داعي = اذا شاب راسك فاتركه وابتد الطاعه
وانا من زمان أول بمحرابها داعـي= قيـام وتهجّـد ما ادري الوقت والساعه
اساهر نجوم الليل واشكي لها اوضاعي= ولكـن تغيب وتترك النفس ملتـاعه
وادوّر على بحرٍ يجدّف بـه شراعي= لعلّي بيـوم اوصل إلى شطّ اسماعه
سقى الله زمانٍ كان في الحبّ مرباعي = اذا من ذكـرته تشهق الـروح جزّاعه
على حلم غاب اليوم وعيوني تراعي= ولا لي سوى التنهيـد من نار لذّاعه
عرفته يحبّ بصدق ما للهوى باعي = شريفٍ نظيفٍ ما خبر نقص باطباعه
عفيفيـن في حبٍّ جمعنا بلا اطماعي= نفكّر بحـلم ولفّـه الـوقت بشراعه
اعدّ الليـالي واثرها تعـدّ لخداعي = على غفـلةٍ والقـلب داله بمربـاعه
رحل من سبا قلبي وخلاّه ملتـاعي = يخاوي الحزن والبين والنار با اضلاعه
سنينٍ طـويله انتظر فرحة الـداعي= وهذا العمر ولاّ ولا ادري عن اوضاعه
عطيت العهـد ما يوم يتوسّد ذراعي = سواها وانا باقي على السمع والطاعه
اذا مت مابي كفن تكفيني اوجاعي = ابي القبر في مرقاب اشوفه ولو ساعه
اذا مرّني من بعـد ما يسمع النـاعي = فهو يوم بعث الطير يصحى على ايقاعه