عنان فكري

[ماجد الراشد الهيري]

عنان فكري



عنان فـكـري للـقـوافـي طلقته=والنفس فـــيـها كنّها نفس لوّام



شي(ن)جديد(ن)بالشعر لاطرقته=ماهيب عنّــي غايبه نظرة العام



لاهـــام قلبي في هواها ذكرته=أكـــون تايه بيـن فاطــر وصـوّام



حتى القلم اللي به أسمه كتبته=ماجف حبره له مواثيق وأعــلام



اخفي وش اللي داخلي لو نطقته=ماني مــوّردها على قبلة الشام



اذكر زمان(ن) بالخفا يوم شفته=والناس زحمه بين رايح ومقدام



صدفه صدفني بالطريق وصدفته =نور ظهر رمح بدى يرسل أسهام



مدري عرفني مثل مانا عــرفـته=حتــى لـو انه يلبس الليل بلثام



ماينتهي شعور الحكي لو وصفته=غرنوق اسـمــر كنّها طير هدّام



ودّي يـجـاوب خاطري لا طلبته=أسرار اكتبها لها سنين واعوام



في كلمتين بيوت شعري حبكته =مدري انا مظلوم او كنت ظــلاّم



من مايجول القلب ياشوق قلتــه=مأبي هموم اليوم او عيشة أوهام



قلبي يبيك باحساسك اللي ملكته=بس للاسف مأقدر اواصــلك الهام



اللّي وصلني بالمواصل وصــلته=والّلي جفا قلبي على الحب مادام

شعر\ماجد الراشد الهيري