(( ... جروح المحبه ...))

[عبير الورد]

,,,,


صباح الورد لأهل الورد

للتواصل مع هذا المنتدى الشامخ ,,,بأعضاءه ,,,




أثر المحبه يا جماعه بلاوي = وأنا أحسبنه جلستٍ في تشاريق
الله يعين اللي بطبعه هواوي = عمره قضى بين الزهر والزماليق
يا ليتني عنها مصدٍ عماوي = وألاّ من الغالي خذيت المواثيق
هويتلي غروٍ لغيري امهاوي = شيٍ من الله والمحبه توافيق
غروٍ صغير السن ماهوب ياوي= يلعب بقلبي لعبتي بالطواريق
من سبته بالحب طحت متساوي= لين إكتوى قلبي وتل المعاليق
وأظمى خفوقٍ من تجافيه راوي =وذبلت اغصونٍ بالمحبه مواريق
يجرح بعين وعين فيها يداوي = وقلبي من الثنتين يرضيه ويضيق
عليه مدٍ بالقطيعه رهاوي =منها ضلوعي والنحايا محاريق
الله يبيحك كل ما قلت غاوي =وأنا دفنتَه وسط صم الصناديق
كم بالهوى قد راح قبلي شقاوي = مرّواح طيرٍ تل حتى المسابيق
وألاّ كما نجمٍ تحدّر سماوي =جاله من علو الخضيرا تصافيق
يا ليت لجروح المحبّه مداوي = من شان ما تشكي قلوب العشاشيق
ولا يصبح العاشق لهمه مخاوي = يرقد معه ويجيه مع فكة الريق
عينه تهل وطول ليله شكاوي =ويغمى عليه أمن التفاكير ويفيق
فقير فرح وبالمصايب غناوي=وأخر مداه الغرغره والتشاهيق
لكنّ لا حسّيت حر المكاوي = عليك بالصيحه بروس الشواهيق
لنّ المحبه في زمنّا بلاوي =ذلت بلاويها رجالٍ مطاليق
يا الله تعين اللي على البعد ناوي=سره بقلبه والمحاني مغاليق






الله الله



صح لساااااانك مليااااارااااات


ابدعت وأمتعت


لاهنت اخوي فهد


يعطيك العافية