على درب الغرام (بالصوت)

[الطائر المهاجر]

http://up.ftahilah.com/up/uploads/Mine/drbElgram.rm

على درب الغرام اللي جمعنا نجهل الاقدار= تلاقت عيني بعينه وباح القلب مكنونه
تحرّك داخلي طيرٍ احسّ بنشوة الأحرار= بعد عمرٍ قضاه بليل فيه الروح مسجونه
اطالع فيه واتأمل احاول افهم الأسرار = وش اللي شدّني يمّه وش اللي قالت عيونه
نظر لي مرةٍ اخرى واذا زلزال دون انذار= على مقياس رختر مايبيّن لو يقيسونه
مابين الليل والقمرا ونور يجهر الأنظار= ونار وبرد في جوفٍ شكى من نازف طعونه
دخيل الله انا مااقوى اقاوم شدة الإعصار= ولا لي في دروب الحب ولا ني باخص فنونه
بدينا نقترب من بعض مثل الورد والأزهار= اذا هب النسيم وعانقت ريح الصبا غصونه
سمعت لهمسةٍ تجري لقلبي كنها التيّار= وروحٍ تحتضن روحي وحبٍ هلّت مزونه
على صحرا فؤادٍ اجدبت من قلة الأمطار= ذوت فيها ورود للأمل بالياس مفتونه
احبك لاتلوميني احبك يشهد القهار= احبك نبض احبك روح احب الحب وجنونه
على شانك اعيش بحلم وامشي لاخر المشوار= فغيرك ما يبيه القلب يسكن عالي حصونه
تعالي فالأمل أنتي وشوفي يابس الأشجار= ظماي انتي بلا قربك احس الروح مدفونه