ودعتها واخفيت عنها الحقيقه(بالصوت)

[الطائر المهاجر]

ودعتها واخفيت عنها الحقيقه

http://up.ftahilah.com/up/uploads/Mine/wd3tha.rm


ودعتها واخفيت عنها الحقيقه= خايف عليها تنصدم بالفراقي
واقفيت عنها بالجروح العميقه= وبين العقل والقلب زاد احتراقي
حب العواطف لو اخذنا بريقه = يذهب مع الأيام ماهوب باقي
وحب العقل راسخ جذوره عريقه= مثل الجبل ما هزّه الاختراقي
نبعه اصيل و ما تغير رحيقه = مثل العسل دايم بنفس المذاقي
والفقر لا منّه دخل في طريقه = فالحب يهرب منه عند التلاقي
حبيتها من دون افكّر دقيقه = بين الذي يمشي وبين المعاقي
بنتٍ ربت بالعزّ يدّها طليقه = صعبٍ تعيش وفي يديها الوثاقي
لو جاملت وتْحمّلت كل ضيقه = لابد من يومٍ يجيها اختناقي
من كلمة للأهل ولاّ الصديقه = ترمي بها خارج حدود النطاقي
حنّا بعصر الجاه حق وحقيقه= نركض وراه ولا خشينا انزلاقي
ياما انخدعنا بالرجل من بريقه = ننظر لجاهه قبل دين وخلاقي
ولا احدٍ سأل عن مصدره والوثيقه= هو بالحلال او من حرام السياقي
واللي ضعيف الحال محدٍ يطيقه = لو هو كريم وشهم بالعقل راقي
لا يا زمن ضيّعت كل الخليقة= وخليتهم للجهل شارب وساقي
وكلٍ يعاني ما درى به رفيقه = حتى غرقنا .. ووحده الله واقي