عودي الميّت من امسٍ صار وارق

[الــذاهبه]

عودي الميّت من امسٍ صار وارق =امس عن قبله تبيّن فيه فرقي
هبّي ارياح السّعدْ، يالهمّ فارق =واضحكي دنياي دام الحظّ يرقي
ماحلا بعد الظلام اغلى مشارق =نوّرت دنياي من سكْناه شرقي
وانتهى من شرْقته سكّاب حارق =كان يدرج فوق خداني بغرقي
ياهلا باللي من اوّل كان سارق =مهجتي لين اتْعيِتْ لرْضاه طرقي
صرت اراقب كلّ غيثٍ له وبارق =وصرت اناجي في غِيابه نوح ورقي
ياعرب حبّه سكن ماهو مفارق =لا وربّي لنّه الساري بعرقي
ربي اوْصلْنيه وجدي حيل طارق =يطرقن صبح ومساء ياناس طرقي
ماهزم قلبي سواه برمح زارق =ضحكته هي رمحه اللي جان زرقي
سهيل


شاعرنا القدير / سهيل
نص بالفعل اكثر من رائع لاهنت
صح قلبك مليون
وننتظر المزيد من ابداعك