عـــا بـــر ســبـيـل

[محمد بن عمار]

السلام عليكم

معكم جديدنا هذا اليوم ‏ ...‏ عاااااابر سبيل


السلام عليكم ‏/
إذا كان للشعر أحقية الوراثة فعلى طاولة الفطاحلة ننثر لكم فيض القريحة
وهتان المشاعر مكتوبا ومرئيا
ههههههههه ( فيه فيديو بس ماني موريكم )
هههههه ،مافيه إلا سلامتكم ‏

البكاء مافاد عيني لوبكت ‏‏= والصبر مافاد في قلبي العليل
عبرتي من داخل أعماقي شكت ‏ ‏= الشعور اللي بوجداني قتيل
لو أبا أخفيها عن العالم بدت ‏‏‏=‏ بالنواظر دمعتي أكبر دليل
أشغلت بالي تفاكير سرت ‏‏= مع فضاء الأحلام والماضي الجميل
تستعيد اللي من أيام مضت = عهدنا اللي صادق ما له مثيل
وعيني اللي من سهرها ماقوت ‏= تهتني بالنوم لو وقت قليل
من هواجيس بفكري ماهدت = في الحبيب اللي وصوله مستحيل
ماقويت أنسى هواها لو نست = حبها في القلب ما أرضى له بديل
إملكتني يوم في حبي وفت ‏‏= وإحتوت قلب لعشرتها يميل
‏ بادلتني الحب وبالغالي شرت = خاطري مدعوجة الطرف الكحيل
يوم هي في الناس ماغيري هوت ‏‏= وما رضت بأحد لها قبلي خليل
في مرابع خافقي منها نبت ‏‏= روضة لأغصانها ظل ظليل
من ينابيع الحشا فيني روت = صافي الإخلاص والحب الأصيل
قلت ياترف القدم حالي برت ‏‏= إلحقيني قبل ميعاد الرحيل
دام في صدري مساحات فضت ‏‏= إسكني وأصير أنا عابر سبيل


مودتي لتواصلكم وشموخكم الراقي