لاتقرقشْ بك هبايب من تصنّع بالحميّا

[سهيل الشمري]

والله اني ماظلمت ولا لك اظهرْت الاذيّه =ولا جرحت وربّي الله ماهي طبوعي كِذيـــّا
لاتِجنّا يالعزيز وتهْمتكْ ليّه خطيّه =ولاتسوق اللّوم ظلم ولاتسيء الظنّ فيـــــــــّا
صاحبي وش جاك مني؟ صاحبي كفّ الشنيّه =لاتقرقشْ بك هبايب من تصنّع بالحميّا
الرّفاقه مانسيته له مقاماتٍ علِيّه =طبعي احْفظْها وحتّى لو تماديت الخطيّا
هيه يابْن الناس واترك للطّبوع القلّبيّه =زيّن النيّه وحذْرا تترك الدّرب السّويّا
ارجع لسالف ليالٍ يوم نسهرْها سويّه =مايكدّرها بلوس ولا مخاشرها رديّا
ياعجايب كيف فهْمك للحروف الابجديّه =ميّتٍ من عقب مانْته بارع بفهم الخفيا
كنت تفرق حصوها والدّرّ والجزل وهفيّه =وكان طبع الشّكّ صعْبٍ يدْهجك يابعْد حيّا
ليه منهو؟ شلّ فكرك لين جازيت الرديه =بين ورْعانٍ بهتّت اللي لك الحرْز الوفيّا
انْفضحْت بقلّ عِرْفك يوم جنّبْت القديّه =سامحك ربي على ماجاد به كفّك عليّا
تحياتي