سمعة الرجال

[محمد بن دحيلان]

السلام عليكم ورحمة الله وبركاته

تحيه طيبه للجميع


متواضعه للتواصل



عسى ربي يكتب لها قبول









والله انّه ما يسبب أنزعاجي = وما يخوِّف قلبي ويقدر يرجَّه

كود طاري لحظةٍ فيها سراجي = يطفي وعقبه يجي للبيت ضجَّه

الصحف طويت وراع الدِين ناجي = عزتي للي قضى دنياه دجَّه

فيا إله الكون عطفك والخراجي = يا منجِّي نوح من يسألك نجَّه

في ظلام القبر رحْمتْك أحتياجي = والإجابة عن سؤالك لا توجَّه

ساعةٍ فيها العمل خيرة محاجي = وشر سيِّاتي عليّه فيه حجَّه

جيت لك والرحمتك يارب راجي = ميقنن بان العمل ماعنْه سجَّه

المعاصي كنّها صَـلْفَ العجاجي = كم نبيهٍ ضيَّعه وأغداه عجَّه

أن تمادى بان فيه الأنْعواجي = ظاع عمره مع رخومٍ مستلجَّه

سمْعة الرَّجال بالدنيا زجاجي = أن تكسّر فالهمل كلٍ يهجَّه

ويُورد العد القراح الاَّ الهماجي = من شرب من ماه لو غاوي يمجَّه

فــ يالله انّه لا طفى بأمرك سراجي = أجعل اعمالي سند ماهيب حجَّه





وسلامتكم