العنــود الجفــــوله

[سهيل الشمري]

محاولة مبتديء

علها تليق بمقامكم اساتذتي

عفّوا عن القصور يابعدي




شلّني مااصابك ليتها بي ولا بك يالجميل بشبابك عِنك نتحمّله
لاجل عينك نشيله دِقها والجليله قاصره مع طويله ياعنود الخشوف =
....
يالمرض حلّ عنها لاتزيد لعِللْها دوك حالي بِدلها ماتبي وافْعله
ايه انا فدوةٍ له والعمر له نذلّه من مثل (..) خِلّه له عيوني تشوف =
....
بين كل العذارى له بقلبي مسارا ليلنا والنهارا (..) من تدهله
غيرها ماهواني لو بصدقٍ نصاني في سهيل اليماني صار قلبي شغوف =
....
ايه اقوله واقوله السعد به نطوله العنود الجفوله له عظيم الوله
والاماني بشوفه ومنيتي في كفوفه لاجل فيها المروفه للمصاب النزوف =
....
هيه ياللي تعذلي عذلكم فيه قتلي قولوا امسيت خبلي بآخر المرحله
مانطيع الملامه في ظبيّ العدامه من يعادل مقامه من يصل للهنوف؟=
....
ماعليا من اللي قال هرجٍ يخلّي لو عرف وش حصلّي كفّ مايرسله
اسمعوها حكايه مايعادل غلايه هي شفاي ودوايه وهي عظيم الشفوف =
....
ولاحياةٍ بدونه ليتكم تفهمونه بانيٍ وسط نونه عالي المنزله
مايفارق خيالي وفي غيابه زوالي حبي وشفّ بالي من كمل بالوصوف =
....
وغيرها له معيفي لو جماله منيفي الهوى في وليفي آخره واوّله
صابني به هياما لين حد السقاما عذلكم والملاما مايحد اللهوف =
....
ربي ارفق بحالي ياعزيز الجلالي من رجاك بسؤالي ارحمه واقبله
لم قلبٍ يهفّي للمتوّج بعفي طاهرٍ عن مهفّي عِفّها نااااف نوووووف =
...

سهيل