يوم حل الصيف

[ابو زياد]

لثقتي بكم أضع هذه المتواضعة التي قد لاترقى للذائقه وقد جاءت حديث نفس بصوت مكتوب
لكم مع الإعتذار صادق الود

يوم حل الصيف والحرّان واوقات الفراغ=والغنادر عن ملابسها تخلت وخلعت
والعرب كلن تحرر من عقاله والشماغ=وامتلا سوق البضايع من صبايا دِلّعت
جيت يم السوق داله شايل شوية بياغ =حايرن فكري وادوّر جاجتن لي ضِِيّعت
بس شفت اللي سبا قلبي ومنه العقل راغ=العنود اللي لها كل العذارا وقّعت
حطت المكياج لمسه زادت بقطعة مصاغ=واعذاب اللي خفق قلبه لريم(ن) شرّعت
هي تصنع طيحة الهاتف بعذرن مستساغ=والمقاصد ماخفتنا لكن الطعم زرعت
واتعجب كيف قلبي انكر انذار الدماغ=عارف اني صيد لكن تهت يومن شعشعت
فز قلبي من مكانه اشهد ان القلب زاغ=انبهر من شي شافه دقته حيل اسرعت
كهرب العينين صابه قبل ياتيه البلاغ=شل تفكيره سهامن في حشى الجوف اوجعت

ياسعد لا لا ترد القلب خله لين راغ=ينتشي لحظات لا من العذارا فرعت

الغالي ابو انس
غبت عن الهمس فاتيت بالنفيس
صح لسانك النادر
ودمت بخير