(لا شبت ياراسي وانا عادني شاب)

[بحر الجنوب]

حصل لي معاناه فكتبت هــــذه القصـــيده واتمنى ان تنال أعجابكم :




لا شبت ياراسي وانا عادني شاب=وعاد الزمن والعمر باول شبابه
يمــديني البس من كساء العـز جلباب=ويمديني اتضلل بجنح السـحابه
وأخـوي لا وقف ونادى على الباب=رحبت به فوق الرحابه رحـــــابه
اقولها من صـــدق مااني بكــذاب=وحــساب من يكذب على الله حسابه
يقـول ابو ضــيدان والنجم ماغاب=ياهاجسي وانظم حروف الكتابه
خل الحـــواس الخمس تعجبك اعجاب=وما تم بارضائك يتم الرضا به
ســوال باقوله على شخص ماجاب=وان جاب ماصححت له في الاجابه
خلى دمــوعي نازله فوق الاهــداب=والله يجازي كل واحــد حسابه
جــــــرح فوادي جرح للأن ماطاب=وأن طاب جرحــه مايهــون عتابه
ما فيه له داعي ولا فيه له أسباب=بالذات بين الأهل والا القـــرابه
وانا علي مااني بخائف ومرتاب=لو حاربت حولي جميع الذيابه
عايش بفضل الله في ستر وحجاب=مولى الكرم ستل علي حجابه
الواحــد الي من ترجاه ماخاب=الرازق الي كـــــلنا عنــد بابه
الحــمد ماتتلى تبارك والاحــزاب=وعــــداد ماشنت علينا الســحابه
والخــتم باصلي على ســيد الاحباب=محمــدا خير المــلا والصـحابه