كيف مع طول صبري ما تحقق مرام ؟!

[نورة الشبيلي]

مرحبا بالمشاعر..والمعاني الكرام
يا محمد خفوقي يشهد الله جريح

كيف مع طول صبري ما تحقق مرام !!
بس اجامل.. وليتي مهتني مستريح

ان تكلمت انا ادري.. ما يفيد الكلام
وان سكت.. المدامع با لليالي تصيح

يحسب اللي يراني.. كل شي.. تمام
ابتسم له.. واهّلي.. كني واحد صحيح

ودي احكي .. ولكن ما اطيق الملام
ما يعيش بزماني من كلامه صريح!!

وين هاك المشاعر..؟؟ والحنين التزام
راسيٍ من ثبات الود لا ما يطيح

وين هاك الغلا..؟؟ والشوق.. والاهتمام
بيّن .. الحب.. بيّن.. له شواهد تبيح

له أريجٍ.. ولهفه.. غيرةٍ .. وانسجام
ما تضيع الحقيقة.. من غبارٍ وريح

من غزا .. الشوك قلبه .. صار كله حطام
وقال ليتي.. من اول با لمحبة شحيح