حلـــــــــم ٍ غبــــــــــــــي

[فارس القوافي]

ليه نزعل والهــــــــوى أصلاً نصيب = والقلـــــــوب اللي تحدّد من تبي

دام مالك شفّ فيــــــني يالحبيب = بتركك هاللحين وانسى مطـلبي

جيت لك عاني وبي جرحٍ عطــيب = قلت يمــــــكن تحت ظلّك أختبي

بسّ كان الردّ يالغالي صعــــــــيب = وانكســـر بي خاطر ٍ جا لك حبي

أحســب انّي من نظر عينك قريب = واثرني أحــــــلم وبي حلم ٍ غبي

توّني أصحــى من الحــلم الغريب = توّني أعرف خســـــــارة مكسبي

ضاع حـــــلم ٍ جرّني فوق اللهيب = وانقتـــــــــــل قلب ٍ بعد توّه صبي

كنت ابي قربك وابيك انت الطبيب = مير حظّ المـــــــنكسر فيني ربي

يارداة الحــــــــــــظّ ياعزف النحيب = يادموع الجـــــــرح هلّي واشربي

وش بقى فينــي ترى كلّي صويب = اطـــــــــربي بالجرح ياروح اطربي

انتهـــــــينا والهوى أصلاً نصيب = والقـــــــلوب اللي تحدّد من تبي