..(( رجم العنا ))..

[فهد الغنام]

لتواصل مع هذا المنتدى الغالي على قلبي بأعضاءه ..

كل الود لكم .. والله يمسيكم ويصبحكم بالخير في كل يوم ...

سمّوا بالله ,,


يوم إنتشى الطيّب على صوت ماوه = في راس طعس إمن الولع شب ضوّه
قلبه خلي والوقت كله طراوه = وعينه على برقٍ تكاشف ابنوّه
عدّيت في رجم العنا والشقاوه = وذرفت دمعات الغلا في علوّه
يا شين وقت اليوم ما به حلاوه= بينه وبين إسعاد الأحباب فوّه
إمن أولٍ حبل الغلا به رهاوه= حبلٍ مع الأيام يزداد قوّه
واليوم حبل الود صابه رخاوه =وجهه من صدوف الليالي تشوّه
بيني وبين النوم حرب وعداوه =شيّن قديم وشيّ ياناس توّه
يلقى الشقى عندي مكان وحفاوه = وبيني وبين الهم رفقه وخوّه
والحب حظ وفيه لين وقساوه= والصد والهجران ما به امروّه
وأهل الحسد لوّ يظِهرون الهداوه=في هم على فرقا الحبايب اجروّه
ناسٍ على الشينه سوات الفلاوه=ما باقي ألا تدّعي بالنبوّه
قلته وأنا كلي بياض ونقاوه = وأنت الذي ودك تسويه سوّه



اخوكم فهد الغنام الشمري






,,