{طـبع الـعـيون }>> >

[مبروك بن ماضي]

( طــــبــــع الــعـــيـــون )
****************
حيْ بها لصدفه بـلا موعـد ولاتحديـد منـي
شفتها وابحرت في موق العيون اللي وسيعـه
***
سلهمت وشعرت بصواب السهام اللي رمنـي
كيف مدري بس سطت بالقلب من نظره سريعه
***
ليه في طبع العيون السود بعض إمن التجنـي
الحلى مجبول فيهـن دوم والإغـراء طبيعـه
***
كـل مالـدّن تحـدّن بالرمـوش وذوبـنـي
الله أكبر وش بهن من سحر خلانـي أطيعـه!
***
المهم إنْ الجمـال اللـي طغـى فيهـا فتنـي
لجلها ماهي خساره أرهـن العمـر أو أبيعـه
***
قمت أردد بيت ( مانيـل المطالـب بالتمنـي)
ليت ماحبيـت ياحسـره ويـا مُـر القطيعـه
***
بلغوها بانني عاشق ولي مـن صُغـر سنـي
في الهوى جولات كم مره سقط قلبي صريعـه
***
واخبروها بانها مهما خفت الإحسـاس عنـي
لي فؤاد يْحس به دايم ويشعـر بـه جميعـه
***
من تفارقنا الـى هالحيـن والخافـق يونّـي
كل يوم إبدونها يمضي مثـل شهـرٍ أضيعـه
***
لي أمل ياهل الهوى فيها إذا ماخـاب ظنيـي
حتفظ بفؤادي اللـي عندهـا سبتـه وديعـه
***
ويش ذنبي بعـد ماهمـت إبهواهـا تمتحنـي
ماتبنـي أفشـي أسـرار الغـلا ولاّ أذيـعـه
***
والهوى ماهوب عيبٍ وأشهد إني أشهد إنـي
في الغلا قصدي شريفٍ دوم واسواري منيعـه
***************
أخـوكـم ومحبـكـم/ بـــن مـاضــي