انا جيتك امل عاشق وانا كلي ألم واحزان

[عبدالله العصيمي]

اخواني واخواتي في منتديات الفطاحلة


سبق ان نشرت قصيده بعنوان


انا جيتك امل عاشق وانا كلي الم واحزان (http://www.fatahilah.com/showthread.php?t=524)





وبعد ان انتشرت لاقت قبول لا بأس به


وفجأه وفي احد مقاطع البلوتوث سمعت قصيدتي تغنى بصوت نسائي



وكان يردد احد ابياتها




انا جيتك امل عاشق وانا كلي الم واحزان = ابي ضمه على صدرك تبدد كل احزاني


وتمثلت بهذه الابيات مجاراه للقصيده ورد على هذا الصوت









عذاب القلب ياصوت تغنى باعذب الالحان = على قافي وطاروقي صدح بالصوت واشقاني
تغنت لي طيور الحب وجرتني على القيفان = اخط الحرف واشطب حرف اراعي ذوق خلاني
سمعته واسرف بحالي يغنيها وهو طربان = يردد بيت مختاره يقول ان كان تهواني
انا جيتك امل عاشق وانا كلي الم واحزان = ابي ضمه على صدرك تبدد كل احزاني
يثور الشعر في صدري ويسعرني كما البركان = ولولاني ازج الحرف اطفي نار تصلاني
الا ياليت موجات لفت بالصوت والاشجان = تجيب الزين قدامي واشوفه شوف الاعياني
وابادله العهد صادق ما ابيع الحب بالنكران = ولا فكرت في هجره ولا فكرت في ثاني
ولو حتى تفارقنا فداه الروح والوجدان = ومصير اللي يبي شوفي يجي له يوم ويلقاني











ارجو ان تنال بعض رضاكم



اخوكم عبدالله العصيمي