عذابه صوتيه

[احمد الكثيري]

http://www.f5f.com/uploads/07-08-06~athabah.rm



من قبل ما يرجع لقلبي صوابه=صدقت يالغدار هرج حكيته
خلاص حبك راح وقفلت بابه=خلاص قلبي عن هواكم نهيته
يكفيني همك والحزن والكآبه=حب الخيانه والغدر قد نسيته
شفت القهر يابنت وشفت الغلابه=هواك عفته ومن فؤادي محيته
مابي هوى الغدار كل درابه=برتاح من حبك وهمٍ لقيته
نصحت قلبي قبل يكثر عذابه=من غدرك اللي في جبينك قريته
قالت من أجلك جرح قلبي سطابه=وقلبي بكثر الهم ياما كسيته
أنت الحبيب اللي أتحمل عتابه=وانت الذي زهرة شبابي عطيته
وانت الذي يجرح فؤادي غيابه=يشهد على ما اقول ليل بكيته
قلبي على ذكراك يهنى شرابه=وفي غيبتك زادي ترى ما هنيته
وعيني على فرقاك مثل السحابه=تهل دمعي يوم رقمي لغيته
وش هو سبب فرقاك هات الإجابه=وش هوخطاي اللي بحقك جنيته
قلت ارحلي كلٍ يلاقي حسابه=نهيت حب معك باول بديته
لو تحلفي باللي منزل كتابه=انك تصوني حبنا يابخيته
احلف برب كل مخلوق هابه= لنساك يالبادي وحبك جفيته