هاجوس الضماير

[هاوي نجد]

يابوسند لوطال فالوقت دربي= كنّي غريقٍ طاح في وسط غبّه
كنّي غريبً تاه في دار غربي=وذيب الخلا حوله وصوته قنبّه
واقبل عليه الليل والبرد هبّي=والخوف من ربعٍ بثارٍ نوتبه
وذلوله الهزلى ثوت فوق تبّي=وسلاحه الحد اليماني بجنبه
شجيع راس وحار والحظ طبّي = ومن عقب زين الوقت وقته غدربه
اناشّهداً الوقت لوزان يهّبي = واللي غفل فالوقت يصحي بغبّه
واللي تبي فالوقت غايه وطبي=ياقل من عيّن معى الوقت طبّه
وانا معي ذا الوقت فزّ وعثربي = احيان مظبوطٍ ومرات نكبه
يالله ياعالم خفا وانت ربي = اغفر لمن وقته غدا فيه سبّه
ياوامن الدنيا تراها تخبّي = اسرار واللي غافلٍ مادرتبه
فتاة عشّقٍ تذبح القلب تسبي = وعشاقها يغلون داراً وطتّبه
ولاجا الحقيقه شينة الوجه تنبي = عن وجهها المغشوش للي فطنّبه
مسكين يللي مقترف كل ذنبي= مايتعض للحق والنصح كبّه
والشور شورٍ يبهج القلب ذرّبي = اقلع عن الذنب المعيثير كبّه
واشّهر كما حراً شهر فوق تبّي = واترك مواقيع الطيور المربّه


وسلامة الجميع