احد قصائدي في مدارات شعبيه

[الآكيد]

أخواني اعضاء منتديات الفطاحله

السلام عليكم ورحمة الله وبركاته


اضع بين ايديكم احد قصائدي المنشوره في جريدة الجزيره


قسم مدارات شعبيه أمل ان تحوز على اعجابكم

على هذا الرابط

http://www.al-jazirah.com/156023/tr5d.htm





عامين في حبه وأنا أقول مسموح = أجرح على كيفك تراني سموحي

دام المحبه تاخذ القلب والروح = انت الحبيب وخل دمي نزوحي

والقلب لو يشكي من الحب مجروح =خله على درب الموده طموحي

درب الهوى لو يعترض فيه ساموح = رغم العوايق خل قلبك صفوحي

يا حالي المنطوق من هرج ومزوح = خابرك في هرجك تحب المزوحي

فيك ابتسامه سحر والقلب مفضوح = من طيب قلبك فالمواجه تبوحي

مكتوب حبك بالقلم داخل اللوح = ما أقدر على فرقاك يا روح روحي

قدّر محبة من شكى الحب مذبوح = عامين يبني ما يهد الصروحي

والحب كله جرح والبحر مملوح = والطب والله ما يداوي جروحي

وعيبٍ على الرجال في سره ايبوح =لو كان سره فالموده ذبوحي

خالد عتيق النفيعي