وجهة نظر خاصه

[نجم الإبداع]

الرْجل لامن وصل ستين عام=ماظن تصلح علوم الكوره له
مايصلح الا لحكمه في الانام =ويعقد الشور لاهل المرحله
ينير للناس سكه في الظلام=لاجله من الفكر عالي المنزله
له تجربه راقيه وسط الزحام=وش له يشارك دروب المهزله
قدره على الراس لاقال الكلام=لامن بدى علم حكمه كمله
اقولها لو سمعها شيخ سام=يوم ان الانسان عقله جمله
لو قال لي مات ذا الوقت الحسام=والنصر للكوره واصحاب الوله
لقلت له لك من الشرع احتكام=والعصر فيه الفتن متسلسله
مانشره الا على الناس الكرام=ولاحسبنا الذي به منذله
لكن دام العرب مثل النعام=فاقبل علوم الزلَهْ والبهذله
مالي مع الكوره بالوقت انسجام=حطيتها في السلال المهمله
اهوى السباحه ورمين بالسهام=واهوى ركوب الخيول المصهله