الا ياطير وش نوحك كسير (بالصوت)

[حمود السكراني]

المشاركة الأصلية بواسطة الطائر المهاجر=

الا يا طير وش نوحك كسير ونازفٍ مجروح = جروحك باديه للناس وان حاولت تخفيها
ولكن مع مرور الوقت يمكن تندمل وتروح= وانا جروحي من الايـام ما يسكت مناديها
تعودت العذاب وكسرة الخـاطر وكثر النوح = ولا عـادت معي تفـرق عن ايامي لياليها
اقضي العمر في غربه لعل الفجر يوم يلوح = وذاك الفجـر ما بيّن وشمسي في تـواليها
ابي هالوقت لو يرحم يخفف جوره المفضوح = وينسى النفس لـو ساعه افكـر كيف اسليها
الا يا طير يا مهاجر هجرت غابتك والدوح = الا بالله تاخـذني حيـاة الـذّل ما ابيهـا
ابي حـريتي مثلك ما دام الجـو لك مفتوح = اذا من ضاقت الـدنيا اهـاجر في نواحيها
ادور حب ما يرجي لحبي غـايه ومصلوح = يحب الروح لاجـل الروح ما يمكن يعنّيها
يحس بهـا اذا تعبت ولـو ما هيضت للبوح = يدفيهـا اذا بردت ويمنـع حـرّ صـاليها
ويسقيها اذا ظميت حنان الحب بالمسموح = واحس الطعم للـدنيا قبل ما ارحل واخليها
ترى قلبٍ بليّـا حب جمادٍ ما عرف للروح = بدون الحب هالدنيا جحيمٍ صعب لاضيها


هناااااا تجلت الحرفنة والخبرة هناااااا=
أحس عصارة فكر وموهبة شاعر أجتمعت=
لتعطينا هذه الرائعة لله درك يادكتور وصح=
لساااانك وسلم بوحك=