تضارس الزمن

[حمود السكراني]

والله ماعودتها تنهج مناهيج الرخوم = ولغليتها عن درب عزٍ بالمراجل نقصده
المشكلة وان صار شفك في ملامات النجوم=وانته على سطح الثرى ولابه طريقٍ تصعده
تزم مثل الموج لاهاج البحر يومه يزوم =وتاقف تضاريس الزمن شبكة ظروف معقدة
يالايمي لوكنت تدري غاية لي ماتلوم = كم شالة بطون الليالي صبح واخلف مولده
لاتنشدن عن سرخافي داخل الصدر الكتوم = أفنى صبانا شيب لحانا طريقه نطرده
لكن هي الدنيا طبيعتها تعاكس مانروم =وتعطي مساكين البشر مدخل دروب ممهدة
وليا طلبنا صفوها حللت مكادرها تعوم = لاما تغثبر كل مورد لين نكره مورده
ياليتها تعطي ولو هو نص ماتقول العلوم =اونصف مايقولون في وسط البنوك مجمدة
المال مرقاب المكارم والفقر قبر العزوم = و ياكم قرم ذللله فقره وقاده وجلده
آاقولها وانا مقيدها على ماضي اسلوم = مرخصتها ومشيي على لم المراجل جرهدة
ياكسب حرٍ من يمينه أو فلا حب الخشوم = يقطعك فيدٍ للرجل حوشه لها مدت يده
صبري وانا نفسي عزيزة عزها فرضٍ لزوم = يبقى الصبر منهج حياتي لو زماني مجهده