قولوا لبوش ما طار طير إلا وقع

[منيع]

قولوا لبوش الظلم يا بـوش مافـاد=فرعون قبلك انتهـى بـه مسـاره
شعوب كل الأرض تكرهـك باحقـاد=وانت اللذي بزعمك تقود الحضـاره
اية حضاره تنبنى فـوق الاجسـاد=وترقص على سفك الدماء في عهاره
حولت هذا الكـون غابـه للاوغـاد=بقيادتك يا من سعـى فـي دمـاره
يدور دهـرك يالوغـد دون ميعـاد=وتشرب بنفس الكاس ذل ومـراره
من تابع لماضيـك يعرفـك معتـاد=لسحر اليهود وكاس نخب الدشـاره
مريض نفس ورافع سيف الالحـاد=مافيـك ذرة ديـن تعطـي اشـاره
مافيه دينٍ يامـرك فـوق الاشهـاد=تقتـل بـرئ وامـن فـي ديـاره
قلبك حجر واقسى من الصلد لاعـاد=يالعنبـو شعـبٍ عطـاك الامــاره
تبي المكاسـب لآل بـوشٍ بتعـداد=حتى ولو شعبـك سرقـت ادخـاره
وحطيت لك عذرٍ له الشعـب ينقـاد=يبـي الأمـان وجاهـلٍ بالستـاره
رسمت للإرهـاب خطـه والامـداد=وانت اللذي بالحقد ترفـع شعـاره
ما طار طير إلا وقع دون صياد = وانته ترى مصيود مثل الحباره
يومك دنى فللنصر يابوش ميعاد= من اللي خلق للكون وارسى مداره

الاخ الكريم/ المشرف العام
الكلمه الصادقه
محلها القلب
بارك الله فيك وكثر في هذه الامه من امثالكم من لهم غيره وموقف مشرف اتجاه قضايانا المنكوبه والانهزاميه المفرطه